ഗാനരചന : കൈതപ്രം
സംഗീതം : ജോണ്‍സണ്‍
പാടിയത് : കെ എസ് ചിത്ര
നീ കാണുമോ തേങ്ങുമെന്നുള്‍ക്കടല്‍
രജനീ അറിയുമോ വിങ്ങുമീ ഗദ്ഗദം
വെറുതെയെന്നാലും ഓര്‍മ്മ വന്നെന്‍ മിഴി നിറഞ്ഞു
മിണ്ടുവാന്‍ കൊതിയുമായെന്‍ കരള്‍ പിടഞ്ഞു
നീ കാണുമോ..
എന്‍ വാക്കുകള്‍ വാടിവീണ പൂക്കളായ്
മൂകസന്ധ്യയില്‍ അന്യയായ് മാറി ഞാന്‍
കൂടണഞ്ഞു കതിരുകാണാക്കിളി
എവിടെയോ മാഞ്ഞുപോയ് സാന്ത്വനങ്ങള്‍
നീ കാണുമോ..
പാഴ്‌മണ്ണിലെ ബാഷ്പധാരയാണു ഞാന്‍
വിരഹരാത്രിതന്‍ പാതിരാച്ചിന്തു ഞാന്‍
ഒന്നു കേള്‍ക്കൂ ജീവിതം പോയൊരീ
പാഴ്‌മുളം തണ്ടിലെ നൊമ്പരങ്ങള്‍
നീ കാണുമോ..
ശ്രീ
No comments:
Post a Comment